AWIT NA ALAY SA MGA KABATAANG MARTIR NG REBOLUSYON

- Orihinal na komposisyon (musika at liriko) ni NONILON V. QUEANO/ 28 November 2014

Papaano ba mawala yaong kalungkutan

Sa pagpanaw ng mga kasamang minahal

Mga anak na namulat

Sa hirap ng bayan

Nakasama isang saglit sa paglaban.

Anong tulang iaalay mahal na bayani

Mga apoy na biglang nagliyab sa gabi

Mga bulaklak at  batis

Sa gitna ng digma

Lagi’t laging inaawit

Ay paglaya

Kadakilaang niluwal sa parang at gubat

Bagong sibol na bayaning labis na niliyag/inirog

Alaala ng sandaling/ mga araw nating paghahanap

Sa puso ng sambayanan’y nagpaaalab

Hindi naman nawawaglit panata’t pag-ibig

Habang imperyalismo ay nanlulupig

Kadakilaang nalibing

Sa gabing pusikit

Sa umaga ng paglaya’y

Ititindig